काठमाडौं । नेपाल राष्ट्र बैंकले शेयर बजार मैत्री मौद्रिक नीति ल्याउने चर्चा सँगै शेयर बजार विगत एक सातादेखि लगातार सुधार भइरहेको छ । नेपाल राष्ट्र बैंकले शेयरधितोकर्जा, बैंक व्याजर, तरलता लगायतका विषयमा सुधार गर्ने गरी मौद्रिक नीति बन्ने हल्ला छ । प्रधानमन्त्री शेयर बहादुर देउवाले गभर्नर महाप्रसाद अधिकारीलाई भेटेरै मौद्रिक नीतिका विषयमा छलफल गरे पछि लगानीकर्ताको कन्फिडेन्स बढेको हो ।
यसै क्रममा एक साताको अवधिमा शेयर बजार १२९ अंकले सुधार भएको छ । शेयर बजार गत सोमबारदेखि सुधार हुन थालेको थियो । यसरी शेयर बजारमा लगातार सुधार देखिदा कारोबार रकम पनि बढिरहेको छ । गएका सातामा बढ्दै धेरै अंकले बढ्ने र घट्दा पनि धेरै अंकले घट्ने गरेको थियो । तर यस साता एकुमुलेट हुँदै बजार सुधार भएकाले यो सुधार दीर्घकालिन सुधार हुने बजार विश्लेषकहरु बताउछन् ।
आज मंगलबार नेप्से सूचक १६.२० अंकले सुधार भएर २०४५.६३ अंक कायम भएको छ । आज कारोबार सुरु भएदेखि नै शेयर बजार हरियो देखिएको थियो । अधिकाम्स समय बजार हरियो देखिदा कारोबार रकम पनि २ अर्ब २९ करोडको भएको छ ।
आज पनि सर्वाधिक धेरै बढ्नेमा इमर्जीङ नेपाल रहेको छ । हिजो सकारात्मक सर्किट लागेको इमर्जिङको शेयर मूल्य आज भने ८.०१ प्रतिशतले बढेको छ । आकर्षक लाभांश दिने चर्चा सँगै पछिल्लो समय लगानीकर्ताको रोजाइमा परेको शिवम सिमेन्टको आज सबैभन्दा धेरै १५ करोड ९७ लाख रुपैयाँको कारोबार भएको छ ।
