काठमाडौं । नागरिक लगानी कोषद्धारा सञ्चालित विभिन्न कार्यक्रमहरुमा यहि साउन १ गतेदेखि दिने र लिने व्याजदरमा परिवर्तन हुने भएको छ ।
कोषले सञ्चालन गर्दै आइरहेको विभिन्न ११ कार्यक्रमहरुको व्याजदर परिवर्तन भएको छ । जसमध्ये कर्मचारी बचत बृद्धि अवकाश कोषमा हाल ६ दशमलव ५ प्रतिशत व्याजदर रहेकोमा ब्याजदर बृद्धि भई ८ प्रतिशत कायम भएको छ । यसैगरी ८० प्रतिशत सहभागी ऋण सापटीमा ८ प्रतिशत व्याजदर रहेकोमा ९ दशमलब ५ प्रतिशत कायम भएको छ ।
अवकाश खर्चमा १ प्रतिशतले बृद्धि भएको छ भने, सरल कर्जामा १ प्रतिशत, शैक्षिक कर्जाम ० दशमलव ५ प्रतिशत, सवारी कर्जामा १ प्रतिशत, उपदान योजना कोषमा १ प्रतिशतले व्याजदर बृद्धि भएको छ ।
