काठमाडौं । पछिल्लो केहि दिनदेखि नेपालमा कोरोना संक्रमितको संख्या बढ्दै गएको छ । विहिवारमा मात्रै थप २६० नयाँ संक्रमित भेटिएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा देशभरबाट २ हजार २७ जनामा आरटी पीसीआर र १ हजार ८१७ जनामा एन्टीजेन परिक्षण गरि कुल ३ हजार ८४४ जनामा कोरोना परिक्षण गरिएको थियो । जसमध्ये २६० जनामा कोरोना संक्रमण पुष्टि भएको हो ।
आज थपिएका संक्रमितसँगै नेपालमा हाल १ हजार १७१ जना सक्रिया संक्रमित रहेको मन्त्रालयले जनाएको छ ।
