काठमाडौं । आज शेयर बजार नेप्से परिसूचक ५९ दशमलव ५४ अंकले बढेर १९८६ दशमलव ८२ को विन्दुमा कायम भएको छ । आज कुल २ अर्ब ४ करोड ४४ लाख ४३ हजार रुपैयाँको शेयर कारोबार हुँदा सर्किट ब्रेक गर्दै नेपाल फाइनान्सका लगानीकर्ताले सबैभन्दा धेरै कमाएका छन् । सर्किट ब्रेक गरेसँगै कम्पनीको शेयर मूल्य ३०४ रुपैयाँ ७० पैसा कायम भएको छ ।
यसैगरी, रिलायन्स फाइनान्सको शेयरमा पनि सर्किट लागेको छ भने प्रति शेयर मूल्य ३०८ रुपैयाँ कायम भएको छ । सिइबीडी हाइड्रोपावर डेभलपमेन्टको शेयर ९ दशमलव ९० प्रतिशतले बृद्धि भएको छ भने प्रति शेयर मूल्य ७५६ रुपैयाँ कायम भएको छ । साथै कर्पाेरेट डेभलपमेन्ट बैंकको शेयर भने ९ दशमलव ८२ प्रतिशतले वृद्धि हुँदा प्रति शेयर मूल्य ३०२ रुपैयाँ कायम भएको छ ।
