काठमाडौं । आज शेयर बजार नेप्से परिसूचक ११ दशमलव ६८ अंकले बढेर १९२७ दशमलव २८ को विन्दुमा कायम भएको छ । आज १ अर्ब ७० करोड ७७ लाख ५२ हजार रुपैयाँको शेयर कारोबार हुँदा सबैभन्दा धेरै सप्तकोशी डेभलपमेन्ट बैंकका लगानीकर्ताले कमाएका छन् । बैंकको शेयर ९ दशमलव ३५ प्रतिशतले बृद्धि हुँदा प्रति शेयर मूल्य भने २४३ रुपैयाँ कायम भएको छ ।
यसैगरी आज एनआरएन इन्फ्राइस्टकचर एण्ड डेभलपमेन्टको शेयर ८ दशमलव २२ प्रतिशतले बृद्धि भएको छ भने प्रति शेयर मूल्य ५०४ रुपैयाँ ५० पैसा कायम भएको छ । साथै युनाइटेड इन्स्योरेन्सको शेयर ६ दशमलव ९६ प्रीतशतले बृद्धि हुँदा प्रति शेयर मूल्य भने ३७३ रुपैयाँ ३० पैसा कायम भएको छ । आज सनराइज फस्ट म्युच्युअल फन्ड ६ दशमलव ९६ प्रीतशतले बृद्धि भएको छ भने प्रति शेयर मूल्य ११ रुपैयाँ ३५ पैसा कायम भएको छ ।
