काठमाडौं । हिमालयन हाइड्रोपावर लिमिटेडको आइपीओ भोली विहाज बाँडपफाँड हुने भएको छ । शुक्रबार प्रि अलटमेन्ट गरेका बिक्रि प्रबन्ध ग्लोबल आइएमई क्यापिटलले असार २८ गते विहान ८ : ३० बजे क्यापिटलकै कार्यालयमा बाँडफाँड हुने जनाएको छ ।
कम्पनीले असार १५ देखि प्रति शेयर १०० को दरमा १९ लाख ६८ हजार २५० कित्ता साधारण शेयर निष्काशनमा ल्याएको थियो । जसमा कम्पनीको शेयरभन्दा १० गुणा बढी आवेदन परेको थियो । कम्पनीका अनुसार १ करोड ८४ लाख १९ हजार ९८० कित्ता शेयर खरिदका लागि १६ लाख २६ हजार ४३० आवेदकबाट १ अर्ब ८४ करोड १९ लाख ९८ हजार रुपैयाँ बराबरको आवेदन परेको थियो ।
कम्पनीले निष्काशन गरेको कुल शेयरमध्ये २ प्रतिशत अर्थात ३९ हजार ३६५ कित्ता शेयर कर्मचारीहरुका लागि सुरक्षित गरिएको छ भने ५ प्रतिशत अर्थात ९८ हजार ४१३ कित्ता शेयर सामूहिक लगानी कोषमा बाँडफाँड गरिएको छ । साथै बाँकी १८ लाख ३० हजार ४७२ कित्ता शेयर भने सर्वसाधारणका लागि बाँढफाँड गर्न लागिएको हो ।
आवेदन परेकामध्ये १ लाख ८३ हजार ४७ जनाले मात्रै शेयर पाउनेछन् । बाँकी १४ लाख ४३ हजार आवेदकको भने हात खाली हुने कम्पनीले जनाएको छ । धितोपत्र निष्काशन तथा बाँडफाँड निर्देशिका अनुसार गोलाप्रथाबाट न्यूनतम१० कित्ताको दरले शेयर वितरण गरिनेछ ।
