काठमाडौं । एलआईसी इण्डियाले एलआईसी नेपाललाई हकप्रद शेयर बापत एक अर्ब २९ करोड रुपैयाँ दिने निर्णय गरे सँगै केहि दिनदेखि कम्पनीको शेयर मूल्य लगातार बढिरहेको छ । हिजोका दिनमा सर्वाधिक धेरै बढेको एलआईसीको आज भने सबैभन्दा धेरै कारोबार भएको छ ।
एलआईसीको मात्रै ७ करोड ६५ लाख रुपैयाँको खरिद बिक्री भएको छ । त्यस्तै दोस्रो धेरै कारोबार हुनेमा अरुण काबेली रहेको छ । अरुण काबेलीको ६ करोड ३० लाख रुपैयाँको खरिद बिक्री भएको छ । तेस्रो धेरै कारोबार हुनेमा शिवम सिमेन्टको ६ करोड २५ लाख रुपैयाँको खरिद बिक्री भएको छ ।
हिमालयन डिष्ट्रलरीको ५ करोड ९० लाख रुपैयाँ खरिद बिक्री भएको छ भने अपर तामाकोशीको ५ करोड ८२ लाख रुपैयाँको कारोबार भएको छ । आज बाँकी सर्वाधिक धेरै कारोबार हुनेमा क्रमश गोर्खाज फाइनान्स नेपाल बैंक, नविल बैंक, नेपाल पुनर्बीमा कम्पनी रहेका छन् ।
