काठमाडौं । नेपालमा संचालित १९ जीवन बीमा कम्पनी मध्ये चालु आवको ११ महिनाको अवधिसम्म नयाँ व्यापार (प्रथम बीमा शुल्क आर्जन ) मा नेपाल लाइफ इन्स्योरेन्स अघि देखिएको छ । समितिले प्रदान गरेको तथ्यांक अनुसार चालु आर्थिक वर्षको ११ महिना अर्थात श्रावण देखि जेष्ठ महिनासम्म नेपाल लाइफले ५ अर्ब ७१ करोड प्रथम बीमा शुल्क आर्जन गरेको छ । नयाँ ग्राहकबाट पहिलो पटक लगिएको बीमा शुल्क नै प्रथम बीमा शुल्क हो । प्रथम बीमा शुल्क पश्चात ग्राहकले सो बीमा गरे बापत भविष्यमा आफ्नो बीमाको बीमा शुल्क तिर्ने भएकाले पनि प्रथम बीमा शुल्कलाई जीवन बीमा व्यवसायलाई निकै महत्व का साथ् हेरिन्छ । ११ महिनाको अवधिमा नेपाली जीवन बीमा व्यवसायले भने ३३ अर्ब ८५ करोड प्रथम बीमा शुल्क आर्जन गरेको छ।
त्यस्तै नेशनल लाइफ ३ अर्ब ७३ करोड प्रथम बीमा शुल्क सहित दोश्रो स्थानमा छ । त्यस्तै नयाँ जीवन बीमा कम्पनी सिटिजन लाइफ इन्स्योरेन्स २ अर्ब ३७ करोड प्रथम बीमा शुल्क आर्जन सहित तेश्रो स्थानमा छ । यो अवधिमा सबै भन्दा कम प्रथम बीमा शुल्क आर्जन गर्नेमा गुराँस लाइफ इन्स्योरेन्स रहेको छ। कम्पनीले ११ महिनाको अवधिमा ५७ करोड प्रथम बीमा शुल्क आर्जन गरेको छ।