काठमाडौं । महालक्ष्मी लाइफ इन्स्योरेन्सले शिलबन्दी बोलपत्रद्धारा संस्थापकतर्फको ३२ लाख ९० हजार कित्ता शेयर सर्वसाधारणमा विक्री गर्ने भएको छ । कम्पनीको उक्त शेयरमा आजदेखि असार २४ गतेसम्म गोप्य शिलबन्दी बोलपत्र पेश गर्न सकिनेछ । यस शेयरमा शेयर जो कोही व्यक्ति तथा संस्थाहरूले आवेदन दिन सक्नेछन् ।
यसअघि कम्पनीले साविकका संस्थापकहरूबाट थप ५० प्रतिशत शेयर जेठ ११ गतेदेखि असार १९ गतेसम्म र पुनः असार १० गतेदेखि १६ गतेसम्म खरीदका लागि आवेदन माग गरेकोमा उल्लेखित कित्ता शेयरमा भने आवेदन नपरेपछि सर्वसाधारणमा जारी गरिएकोजनाएको छ ।
प्रतिकित्ता १ सय रुपैयाँ तोकिएको यस शेयर खरीदका लागि तोकिएको मूल्य वा सोभन्दा बढी मूल्य अंकित गरी बोलकबोल गर्नुपर्नेछ । आवेदकहरूले न्यूनतम १० हजार कित्तादेखि अधिकतम ३१ लाख ५० हजार कित्तासम्म माग गर्न सकिने व्यवस्था छ ।
तोकिएको अवधिभित्र प्राप्त बोलपत्र असार २६ गते अपरान्ह ४ बजे कम्पनीको प्रधान कार्यालय कमलपोखरी, काठमाडौंमा खोलिने कम्पनीले जनाएको छ ।
