काठमाडौं । नेपाली कांग्रेसका महामन्त्री गगन थापाले नेपाल राष्ट्र बैंकका गभर्नर महाप्रसाद अधिकारी लगायत वरिष्ट अधिकारीहरुलाई भेटर हालको तरलता अभाव, मुद्रा सञ्चितिको अवस्था र पूँजी बजारको समस्या सम्बोधन गर्न आवस्यक विषयमा छलफल गरेका छन् ।
अर्थतन्त्रमा देखिएका यी लगायतका समस्या समाधानका उपायहरू सहित अबको मौद्रिक नीति तयार पार्ने अपेक्षा लिएको महामन्त्री थापाले जानकारी दिएका छन् । पूँजी बजार सुधारको माग गर्दै शेयर लगानीकर्ता तिलक कोईराला नेपाल धितोपत्र बोर्डमा आमरण असन बसिरहेका छन् । उनि विगत १२ दिनदेखि आमरण अनसनमा छन् । उनको स्वास्थ्य अवस्था जटिल भैइसकेको छ । उनको जीवन रक्षाका लागि राजनीतिक दलका नेता तथा कार्यकर्ताहरुले नेपाल राष्ट्र बैंकलाई समाधानका लागि आह्वान गरिरहेका छन् ।
गभर्नर अधिकारी र अर्थमन्त्री जनार्दन शर्मा विचको आन्तरिक द्धन्दले अहिले अर्थतन्त्रमै जटिल अवस्था आइरहेको छ । राष्ट्रिय अन्तर्राष्ट्रिय कारणले अर्थतन्त्र जटिल बन्दै गर्दा उनिहरुको आपसी समन्वयको अभावले शेयर लगानीकर्ता तथा आम सर्वसाधारणले समस्या भोगिरहेका छन् ।
