काठमाडौं । आज साताको पहिलो दिन शेयर बजार नेप्से परिसूचक ३७ दशमलव २७ अंकले घटेर १,९३४ दशमलव ११ को विन्दुमा कायम भएको छ । आज १३ वटा कम्पनीको मात्र शेयर मुल्य बढेको छ भने १७९ वटा कम्पनीको शेयर मूलय घटेको छ । आज सबै उपसूचक घटेका छन् ।
आज दिनभरिमा २२३ वटा कम्पनीको ३६ लाख ६६ हजार ८९१ कित्ता शेयर किनबेच हुँदा १ अर्ब १३ करोड ४० लाख ९१ हजार रुपैयाँको शेयर कारोबार भएको छ । आज सबैभन्दा धेरै नेपाल टेलिकमको शेयर कारोबार भएको छ । कम्पनीको १० करोड २९ लाख रुपैयाँको शेयर कारोबार भएको छ ।
एनसीसी बैंकको ५ करोड ६४ लाख रुपैयाँको शेयर कारोबार भएको छ । सेञ्चुरी कमर्सियल बैंकको ४ करोड ८२ लाख रुपैयाँको शेयर कारोबार भएको छ । नविल बैंकको ४ करोड ७ लाख रुपैयाँको शेयर कारोबार भएको छ । एनआइसी एशिया बैंकको ३ करोडमाथिको शेयर कारोबार भएको छ ।
आज सबैभनदा धेरै आँधिखोला लघवित्तका लगानीकर्ताले कमाएका छन् । कम्पनीका लगानीकर्ताले ९ दशलमव ९९ प्रतिशतका दरले कमाएका हुन् । प्रभु लाइफका लगानीकर्ताले ४ दशमलव ५ प्रतिशतका दरले कमाएका छन् । सिवाइसी नेपालका लगानीकर्ताले ४ प्रतिशतका दरले कमाएका छन् । राष्ट्र उत्थान लघुवित्तका लगानीकर्ताले २ प्रतिशतका दरले कमाउका छन् ।
आज सबैभनदा धेरै रिभर फल्स पावर कम्पनीका लगानीकर्ताले गुमाएका छन् । कम्पनीका लगानीकर्ताले ९ दशमलव ५६ प्रतिशतका दरले गुमाएका हुन् ।
