काठमाडौं । नेपाली बजारमा आज सुनको मूल्य घटेको छ भने चाँदीको मूल्य स्थिर रहेको छ । मंगलबारको तुलनामा छापावाला सुन तोलामा ६ सय रुपैयाँले घटेर प्रति तोला ९६ हजार ५ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
महासंघका अनुसार आज तेजावी सुन प्रति तोला ९६ हजार रुपैयाँमा कारोबार भइरहेको छ । साथै आज चाँदीको मूल्य भने स्थिर रहेको छ । आज चाँदी प्रति तोला १२ सय ४५ रुपैयाँमा कारोबार भइरहेको छ ।
