काठमाडौं । पूँजी बजार सुधार संघर्ष समिति मार्फत सञ्चालित आन्दोलन अन्तर्गत शेयर लगानी कर्ता तिलक कोइरालाले आमरण अनसन सुरु गरेको छ । कोइरालाले पत्रकार सम्मेलन गर्दै आमरण अनसन सुरु भएको घोषणा गरेका हुन् ।
कोइराला सहित पूँजी बजार सुधार संघर्ष समितिले १९ बुँदे माग सहित आन्दोलन सुरु गरेका थिए । तर उक्त सडक आन्दोलनलाई सरकारलदे वेवास्त गरेको भन्दै आन्दोलनको स्वरुप परिवर्तन गरिएको कोइरालाको भनाई छ । शेयर लगानीकर्ता तिलक कोइरालाको नेतृत्वमा वस्ने अनसन सरकारले माग सम्बोधन नगरेसम्म निरन्तर रहने छ ।
अनसन सुरु गरेका कोइराला आफू मधुमेहको विरामी भएको र केही दिन भोकै बस्दा शरिरमा ग्लुकोजको मात्रा कमी हुन गई स्वास्थ्यमा समस्या उत्पन्न हुन सक्ने बताएका छन् । तथापी आफूहरुको माग सम्बोधन नभएसम्म निरन्तर अनसनमा बस्ने उनले बताएका छन् ।
