काठमाडौं । महालक्ष्मी विकास बैंक र पोखरामा अवस्थित ओम हस्पिटलबीच सहकार्य गर्ने समझदारी भएको छ । जेष्ठ महिनालाई वार्षिकोत्सव महिनाको रुपमा मनाई रहेको यस बैंकले आफ्नो २८ औं वार्षिकोत्सवको अवसर पारेरे उक्त हस्पिटलसँग सम्झौता गरेको हो ।
बैंकले आफ्ना ग्राहकहरुलाई विभिन्न सेवा तथा सुविधा दिने हेतुले यस्तो सम्झौता गरेको हो । उक्त सम्झौता पश्चात यस बैंकको डेबिट कार्ड, क्युआर (स्क्यान पे) महालक्ष्मी मोबाइल बैंकिङमार्फत भुक्तानी गर्ने ग्राहकले हस्पिटलका सम्पूर्ण स्वस्थ्य सेवहरुमा आकर्षक छुट प्राप्त गर्ने बैंकले जनाएको छ ।
यस बैंकले हाल १०३ वटा शाखामार्फत सेवा दिँदै आएको छ ।
