काठमाडौं । आज शेयर बजार नेप्से परिसूचक १७ दशमलव ५८ अंकले घटेर २,०६२ दशमलव ८६ को विन्दुमा कायम भएको छ । आज ३१ वटा कम्पनीको शेयर मुल्य बढेको छ भने १६० वटा कम्पनीको शेयर मुल्य घटेको छ ।
आज १ अर्ब ४७ करोड २६ लाख रुपैयाँको शेयर कारोबार हुँदा सबैभन्दा धेरै कुमारी बैंकको शेयर कारोबार भएको छ । बैंकको ६ करोड ७४ लाख रुपैयाँको शेयर कारोबार भएको छ । हिमालयन डिष्टिलरीको ४ करोड ३२ लाख रुपैयाँको शेयर कारोबार भएको छ ।
त्यस्तै, आज अरुण कावेली पावरको ३ करोड ९८ लाख रुपैयाँको शेयर कारोबार भएको छ । एशियन लाइफ इन्स्योरेन्स कम्पनीको ३ करोड ९८ लाख रुपैयाँको शेयर कारोबार भएको छ । नेपाल लाइफको ३ करोड ९५ लाख रुपैयाँको शेयर कारोबार भएको छ ।
