काठमाडौं । आज शेयर बजार नेप्से परिसूचक १७ दशमलव ५८ अंकले घटेर २,०६२ दशमलव ८६ को विन्दुमा कायम भएको छ । आज ३१ वटा कम्पनीको शेयर मुल्य बढेको छ भने १६० वटा कम्पनीको शेयर मुल्य घटेको छ । हिजो भारी अंकले बढेको बजार आज घटेको हो । आज सबै उपसूचक घटेका छन् ।
आज दिनभरिमा २२९ वटा कम्पनीको ४१ लाख ५६ हजार १०४ कित्ता शेयर किनबेच हुँदा १ अर्ब ४७ करोड २६ लाख रुपैयाँको शेयर कारोबार भएको छ । आज सबैभन्दा धेरै कुमारी बैंकको शेयर कारोबार भएको छ । बैंकको ६ करोड ७४ लाख रुपैयाँको शेयर कारोबार भएको छ । हिमालयन डिष्टिलरीको ४ करोड ३२ लाख रुपैयाँको शेयर कारोबार भएको छ ।
त्यस्तै, आज अरुण कावेली पावरको ३ करोड ९८ लाख रुपैयाँको शेयर कारोबार भएको छ । एशियन लाइफ इन्स्योरेन्स कम्पनीको ३ करोड ९८ लाख रुपैयाँको शेयर कारोबार भएको छ । नेपाल लाइफको ३ करोड ९५ लाख रुपैयाँको शेयर कारोबार भएको छ ।
आज सबैभन्दा धेरै उपकार लघुवित्तका लगानीकर्ताले कमाएका छन् । कम्पनीका लगानीकर्ताले १० प्रतिशतका दरले कमाएका हुन् । वलेफी हाइड्रोपावर कम्पनीका लगानीकर्ताले ९ दशमलव ९९ प्रतिशतका दरले कमाएका छन् । मिथिला लघुवित्तका लगानीकर्ताले ३ दशमलव ९५ प्रतिशतका दरले कमाएका छन् ।
आज सबैभन्दा धेरै सिङगटी हाइड्रो इनर्जी कम्पनीका लगानीकर्ताले गुमाएका छन् । कम्पनीका लगानीकर्ताले ५ प्रतिशतका दरले गुमाएका छन् ।
