काठमाडौं । ग्लोबल आइएमई लघुवित्त वित्तीय संस्थाको रातमाटे शाखाले नुवाकोटको विदुर नगरपालिका वडा नम्बर ५ मा रहेको देविघाट जेष्ठ नागरिक अध्ययन प्रतिष्ठानलाई टेलिभिजन प्रदान गरेको छ । संस्थाले शुक्रवार एक कार्यक्रमको आयोजना गरि प्रतिष्ठानका अध्यक्ष विष्णु नेपाललाई ग्लोवल आइएमई लघुवित्त संस्थाका अनुगमन अधिकृत शशीकान्त न्यौपानेले ४३ ईन्चको स्र्माट टेलिभिजन हस्तान्तरण गरेका हुन् ।
प्रतिष्ठानमा रहेका बृद्ध–बृद्धाहरुलाई समय बिताउन, मनोरन्जन र धार्मिक कार्यक्रम हेर्नका लागि सहज होस भन्ने हेतुले टेलिभिजन प्रदान गरिएको ग्लोवल आइएमई लघुवित्त रातमाटे शाखाका शाखा प्रमुख पुरुषोत्तम पन्तले जानकारी दिए । उनले संस्थाको सामाजिक उत्तरदायित्व अन्तर्गत प्रतिष्ठानलाई टेलिभिजन प्रदान गरेको बताए ।
रातमाटे शाखाले बैशाखसम्ममा एक हजार ४ सय ७९ जनालाई बचत सेवा दिनुको साथै ७ सय ८ जनालाई कर्जा प्रवाह गरिरहेको छ । शाखाले हालसम्म २ करोड ६६ लाख ४९ हजार ७ सय ८१ रुपैयाँ संकलन गरि ९ करोड ३४ लाख ८ हजार १ सय २१ रुपैयाँ कर्जा प्रवाह गरेको छ ।
