काठमाडौं । बीमा समितिले भारतमा काम गर्न जाने श्रमिकको पनि अनिवार्य म्यादी बीमा गर्नु पर्ने व्यवस्था गर्न सरकार समक्ष सुझाव पेश गरेको छ । समितिले यसका लागि तेस्रो मुलुकमा काम गर्न जानेका लागि अनिवार्य गर्दै आइएकोमा अव भारतमा जानेका लागि पनि अनिवार्य गर्नु पर्ने सुझाएको हो ।
हाल तेस्रो मुलुकमा जाने श्रमिकका लागि मात्रै वैदेशिक रोजागार म्यादी जीवन बीमा अनिवार्य बीमाको रुपमा रहेकोमा भारत जाने श्रमिकका लागि समेत उक्त बीमा अनिवार्य गर्ने । भारतमा जाने श्रमिकको अनिवार्य म्यादी बीमा गर्ने व्यवस्था गर्न समेत सुझाइएको छ । यसका लागि भारतमा जाने श्रमिकको लागि छुट्टै बीमालेख तयार पार्नु पर्ने समितिको भनाइ छ । लाखौ नेपालीहरु भारतमा श्रमका लागि जाने भएकाले एकै पटक लाखौ नेपाली बीमाको दायराभित्र आउने छन् ।