काठमाडौं । मर्जरको सहमति गरेका प्राइफ लाइफ इन्स्योरेन्स कम्पनी, गुराँस लाइफ इन्स्योरेन्स कम्पनी र युनियन लाइफ इन्स्योरेन्स कम्पनीको शेयर कारोबार रोक्का गरिएको छ । मर्जरको सहमति सँगै तीन वटै कम्पनीले नेपाल स्टक एक्सचेन्जमा कारोबार रोक्काका लागि निवेदन दिएका थिए ।
उनिहरुले बैशाख २९ गते बिहीबार साँझ ४ बजे मर्जरको सहमतिपत्रमा संझौता गरेका थिए । तीन वटै मर्जरमा गएकाले तीन वटैको शेयर कारोबार रोक्का गरिएको हो । अव उनिहरुको कारोबार सफल मर्जर पछि एकिकृत कारोबार भए पछि मात्रै सुरु हुनेछ ।
यस अवधिमा कम्पनीहरुको डिडिए हुनेछ । डिडिए पश्चात स्वाप रेसियो तर गर्नु पर्नेछ । आपसी सहमतिमा स्वाप रेसियो तह भए पछि साधारणसभाबाट पारित गरेपछि बल्ल मर्जर प्रकृयाँ अगाडी बढ्नेछ । स्रोतका अनुसार तीन वटा कम्पनीहरुले यहि असार भित्रमा मर्जरको सम्पुर्ण प्रकृयाँ पुरा गर्ने गरी काम अगाडी बढाएका छन् । यदि पुर्व योजना अनुरुप सफल भयो भने दोस्रो बजारमा पनि यहि साउन पछि कोरोबार खुला हुने देखिन्छ ।
प्राइम लाइफको चुक्ता पूँजी २ अर्ब ७७ करोड ९६ लाख १६ हजार रुपैयाँ रहेको छ । गुराँस लाइफको २ अर्ब ८ करोड ४२ लाख ५० हजार रुपैयाँ रहेको छ भने यूनियन लाइफको २ अर्ब १५ करोड रुपैयाँ चुक्ता पूँजी रहेको छ । अव केहि समय उक्त शेयर कारोबार बन्द रहनेछ ।
