काठमाडौं । नेपाली बजारमा आज सुन चाँदीको मूल्यमा गिरावट आएको छ । गत विहिबार ९७ हजार ८ सय रुपैयाँमा कारोबार भएको छावापाला सुन एकैदिन १३ सय रुपैयाँले घटेर प्रति तोला ९६ हजार ५ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
महासंघका अनुसार आज तेजावी सुन प्रति तोला ९६ हजार रुपैयाँमा कारोबार भइरहेको छ । यसैगरी आज चाँदी तोलामा १० रुपैयाँले घटेर १२ सय ४० रुपैयाँमा कारोबार भइरहेको महासंघले जनाएको छ ।
