काठमाडौं । नेपाल इन्स्योरेन्स प्रोफेसनल्स सोसाइटी (निप्स) ले धनगढीमा दुई दिने अन्तर्क्रिया कार्यक्रम सम्पन्न भएको छ । कार्यक्रममा बीमा समितिका कार्यकारी निर्देशक राजुरमण पौडेल, बीमा विज्ञ तथा इन्स्योरेन्स इन्स्टिच्युट अफ नेपालका प्रमुख कार्यकारी अधिकृत भोजराज शर्मा, बीमा कम्पनीका शाखा प्रमुख लगायत ७२ जना भन्दा धेरैको उपस्थिति थियो ।
कार्यक्रममा अन्डरराइटिङ, पोलिसी सर्भिसिङ तथा बीमा कम्पनीका शाखाले गर्नुपर्ने कार्यहरुको विषयमा छलफल भएको बीमा विज्ञ शर्माले बताए । यसका साथै समितिले अभिकर्तालाई आवश्यक तालिम समेत प्रदान गरेको थियो । बीमा समितिले यस क्षेत्रका कर्मचारी तथा अभिकर्ताहरु सँग भेटेरै अन्तर्क्रिया गर्नुका साथै उनिहरुको गुनासो पनि संकलन गरेको छ ।
