काठमाडौं ।यूनियन लाइफमा ६ जना सञ्चालक निर्विरोध निर्वाचित भएका छन् । कम्पनीको संस्थापक समुहबाट जीवन कुमार अग्रवाल, सन्दिप कुमार अग्रवाल, सुलभ अग्रवाल, सिमा गोल्छा निर्वाचित भएका छन् भने सर्वसाधारण समुहबाट सचिन आचार्य र सिताराम अग्रवाल निर्वाचित भएका छन् ।
निर्वाचन समितिले संस्थापक समुह तर्फबाट ४ जना र सर्वसाधारण समुहबाट दुई जना सञ्चालकहरुको निर्वाचनका लागि आह्वान गर्दा सर्वसाधारणल समुह तर्फ चार जनाको उम्मेदवारी परेको थियो । तर बद्री सिग्देल र राजिव ठाकुरले अन्तिम चरणमा मनोनयन फिर्ता लिए पछि सहमतिमा ६ जना चयन भएका थिए । कम्पनीले आज आह्वान गरेको साधारणसभाबाट ६ जनाको निर्वाचन पारित भएको छ ।
संस्थापक समुहबाट निर्वाचित चारै जनाको कार्यकाल दोहोरिएको छ । कम्पनीले गत असारमा आइपिओ निष्काशन गरेको थियो । आइपिओ निष्काशन पछि सर्वसाधारण शेयरधनीहरुको समुह तर्फबाट पनि दुई जनालाई निर्वाचित गरेको हो ।
