काठमाडौं । बीमा समितिमा युनियन लाइफका अनुसन्धान विभाग ‘Research And Development Department’ प्रमुख नारायण पंगेनीको नक्कली शैक्षिक प्रमाणपत्रको विषयमा उजुरी परेको छ । कम्पनीमा कार्यरत पंगेनीको एसएलसी भन्दा माथिका शैक्षिक प्रमाणपत्रहरु नक्कली भएको भन्दै छानवीन गरी कारवाही गरी पाउ भन्दै समितिमा बेनामी उजुरी परेको हो ।
बीमा समितिले उक्त उजुरीलाई दर्ता पनि गरिसकेको छ । शैक्षिक प्रमाणहरु छानवीन गर्ने क्रममा युनियन लाइफले समितिलाई सत्य तथ्य व्यहोरा लुकाई छिपाई वास्तविक तथ्य पेश नगरी गुमराह गर्न खोजेको भन्दै उजुरीकर्ताले उजुरीमा उल्लेख गरेका छन् ।
पंगेनीको नियुक्ति बीमकको संस्थागत सुशासन सम्बन्धि निर्देशिका विपरित भएकोले आवस्यक छानवीन गरी कारबाहीको माग गरिएको छ । निवेदकमा एक इमान्दार तथा सचेत बीमाकर्मी लेखिएको छ । यस भन्दा अगाडी नेपाल लाइफमा काम गर्दा पनि उनको नक्कली शैक्षिक प्रमाणपत्रका विषयमा चर्चा चलेको थियो । पंगेनीको एसएलसी बाहेक प्लस टु, स्नातक लगायतका शैक्षिक प्रमाणपत्रहरु नक्कली रहेको आरोप छ । पंगेनी यसभन्दा अगाडी युनियन लाइफको क्षेत्र नं ६ का प्रमुख थिए । कम्पनीले उनलाई पछिल्लो समय बढुवा गरेर अनुसन्धान विभाग ‘Research And Development Department’ प्रमुख बनाएको थियो ।
बीमा समितिले केहि समय अगाडी नक्कली शैक्षिक प्रमाणपत्रको छानविन गर्न सम्पुर्ण बीमा कम्पनीका कर्मचारीको शैक्षिक प्रमाणपत्रको विवरण पेश गर्ने निर्देशन दिएको थियो । समितिले पहिलो चरणमा सम्पुर्ण कम्पनीका कर्मचारीको विवरण माग गरेता पनि आवस्यक काम कारबाही भने अगाडी बढाएको छैन । कम्पनीहरुले पेश गरेका विवरणमा संका लागेमा वा समितिमा उजुरी परेमा सक्कली प्रमाणपत्र नै झिकाएर छानविन गर्ने योजना बनाएको छ । #यता कम्पनीको मानव संसाधन बिभागले पंगेनीको शैक्षिक प्रमाण पत्र सक्कली नै रहेको दाबी गरेको छ।
#अपडेट गरिएको