काठमाडौं । प्रभु लाइफ इन्स्योरेन्स कम्पनीले नेपाल लाइफका सोन बहादुर मगर र टिकादत्त प्याकुरेललाई एक पद बढाएर भित्र्याएको छ । कम्पनीले उप महाप्रवन्धकमा सोन बहादुर मगरलाई र सहायक महाप्रवन्धकमा प्याकुरेललाई नियुक्त गरेको हो ।
सोन बहादुर नेपाल लाइफको राष्ट्रिय सेल्स विभाग प्रमुखका थिए भने प्याकुरेल प्रदेश एक विभाग प्रमुख थिए । मार्केटिङमा पक्कड जमाएका दुबै जनालाई प्रभु लाइफले भित्र्याएको छ ।
प्रभु लाइफले पछिल्लो समय उच्च व्यवस्थापनदेखि लिएर मार्केटिङमा दक्ष जनशक्ति भित्र्याइरहेको छ । अन्य कम्पनीमा राम्रो काम गरिरहेका कर्मचारीलाई भित्र्याएर यस वर्ष व्यवसाय विस्तारमा आक्रामक हुने रणनीति बनाएको छ । नेपाल लाइफकै निवर्तमान प्रमुख कार्यकारी अधिकृत सन्तोष प्रसाईले बीमा विज्ञको रुपमा कार्यभार सम्हाल्दै आइरहेका छन् । उनले कार्यभार सम्हालेसँगै कम्पनीको व्यवसाय विस्तार पनि बढेको देखिन्छ ।
बीमा समितिको पूँजी बृद्धि योजना पछि कम्पनीको पूँजी बढ्ने हुँदा भोलिका दिनमा कम्पनीको आकार अनुसार व्यवसाय भित्र्याउनु पर्ने चुनौतीलाई मध्यनजर गर्दै जनशक्ति व्यवस्थापनमा कम्पनी जुटेको छ ।
