काठमाडौं । नेपाल पुनर्बीमा कम्पनी लिमिटेडले दुई जना विज्ञको माग गरेको छ । कम्पनीले स्वदेशी पुनर्बीमा विज्ञ र स्वदेशी पुनर्बीमा दावी विज्ञ गरि दुई पदमा विज्ञको माग गरेको हो ।
करारमा नियुक्ति गरिने भएकोले योग्यता पुगेका आवेदकलाई कम्पनीले सूचना जारी गरेको मितिले १५ दिनभित्र आवेदन दिन आग्रह गरेको छ । कम्पनीका अनुसार स्वदेशी पुनर्बीमा विज्ञका लागि स्नातकोत्तर तह उत्तिर्ण गरेका, एक्चुअरीबाट फेलोसिप हाँसिल गरि बीमा क्षेत्रमा कम्तीमा पनि १० वर्ष काम गरेकाले विज्ञको रुपमा आवेदन दिन सकिने छ ।
साथै, स्नातक तहको उपाधि हाँसिल गरेका र बीमा कम्पनीमा दाबी व्यवस्थापन कार्यमा व्यवस्थापकीय पदमा रहि कम्तिमा १० वर्ष काम गरेका व्यक्तिले स्वदेशी पुनर्बीमा दावी विज्ञको रुपमा आवेदन दिन सकिने कम्पनीले जनाएको छ ।
