काठमाडों । सिटिजन लाइफ इन्स्योरेन्स कम्पनी लिमिटेडको गोरखा शाखाले मृत्यु दाबी रकम हस्तान्तरण गरेको छ । कम्पनीले टेम्केमैयुङ गाउँपालिका वडा नंवर १ भोजपुर निवासि ३९ बर्षिय तेज कुमार राईको मृत्यु दावी बापत उनका हकवाला गीता खत्रीलाई ५ लाख रुपैयाँको चेक हस्तान्तरण गरेको हो ।
२०७८ असार मसान्तमा १५ बर्षको लागि, ५ लाखको सिटिजन शुभारम्भ बीमा योजना खरिद गरेका राईको कोभिड १९ को कारण गत पौष २३ गते मृत्यु भएको थियो ।
पहिलो किस्ता ३५ हजार ७६२ रुपैयाँ मात्र बुझाएका राईको मृत्यु दावी रकमको चेक गोरखा नगरपालिका वडा नंबर ८ बराह स्थित बीमितको घरैमा पुगेर शाखा प्रबन्धक हरिहर आचार्यले हस्तान्तरण गरेका हुन् ।
कार्यक्रममा जिल्ला निर्वाचन कार्यालय प्रमुख टेक बहादुर कोइराला, सिनियर एजेन्सी मेनेजर काजिराम अधिकारी लगायत टोलवासिको उपस्थिति रहेको थियो ।
नेपाली बीमा बजारमा नवीनतम विशेषताहरु सहित आएको सिटिजन लाइफका डबल बोनस, दुइगुणा वीमाङ्क सुबिधा, घातक रोग उपचार खर्च र बालबच्चाको उच्च शिक्षाको लागि धेरै रुचाइएका बीमा योजनाहरु रहेको समेत रहेका छन् ।
