काठमाडौं । पछिल्लो समय जन्मदिन, बिवाहमा बीमा पोलिसी दिने प्रचलन बढदै आएको पाईन्छ । जन्मदिन, विवाह जस्ता शुभ दिनहरुमा परम्परागत प्रणाली अनुसार सुन, चाँदी, हार जस्ता बहुमुल्य चिजहरु उपहार दिने प्रचलनलाई तोड्दै पछिल्लो समय विभिन्न उत्सवहरुमा बीमा पोलिसी उपहारको रुपमा दिने प्रचलन बढुदो क्रममा भित्रिएको छ ।
यसैसन्दर्भमा भैरहवाका सफल अभिकर्ता एवम् विद्यार्थी प्रशान्त न्यौपानेले आफ्नो बुबाको ४५औँ जन्मदिनको अवसरमा आफ्नो बुवालाई जीवन बीमा पोलिसी उपहार दिएका छन् ।
उनले आफ्नो बुबा राजु न्यौपानेलाई ज्योति लाइफ इन्स्योरेन्स कम्पनीको ज्योति सुरक्षित भविष्य जीवन बीमा योजना अन्तर्गत ५ लाखको बीमा पोलिसी उपहार स्वरुप दिएका छन् ।
बीमा पोलिसी हस्तान्तरण गर्दै उनले बीमा गर्दा आर्थिक बचत हुने र नोक्सानी भएको हकमा क्षतिपूर्तिको सुनिश्चिता भएको हुदाँ जीवन बीमा अतिआवश्यक रहेको बताए । जीबन बीमा गर्ने योजना पहिले नै बनाएको र बिशेष दिनमा उपहार स्वरुप दिदाँ आकर्षक उपहार हुने र अन्यलाई समेत उत्प्रेरणा मिल्ने हुदाँ सो उपहार दिएको उनले बताए । अन्य उपहार खरिद गर्दा खर्चहुने रकम बीमामा भुक्तानी गर्दा भविष्यको लागी उपायोगी बचत हुने उनको भनाई छ ।