काठमाडौं । वर्ष २०७८को अन्तिम कारोवार दिन नेप्सेमा वृद्धि देखिएको छ । केही दिन देखि निरन्तर घटेको बजार बन्द हुँदा २४०० विन्दु माथि बन्द हुन सफल भएको छ । बजार वृद्धि भएपनि आज धेरै कारोवार गर्ने शिर्ष ३ ब्रोकरहरुबाट खरिद भन्दा बिक्री नै धेरै भएको देखिन्छ। वर्षको अन्तिम कारोवार दिन नेप्से परिसूचक ३० दशमवल २४ अंक वृद्धि हुँदै २४१५ दशमलव २४ को विन्दुमा बन्द भएको छ ।
आज ब्रोकर नम्बर ५८ बाट सर्वाधिक शेयर कारोवार भएको छ । समग्र बजारमा १ अर्ब ४७ करोड कारोवार मध्ये ब्रोकर नम्बर ५८ बाट १९ करोड ८७ लाख बराबरको शेयर कारोवार भएको छ । ५८ नम्बर ब्रोकरबाट ७ करोड ११ लाख बराबरको खरिद हुँदा १२ करोड ७६ बराबरको बिक्री भएको छ । उक्त ब्रोकरबाट खरिद भन्दा ५ करोड ६५ लाख धेरै बिक्री भएको छ।
सर्वाधिक कारोवार गर्ने अन्य दुई ब्रोकर हेर्दा ४९ नम्बर ब्रोकर र ३४ नम्बर ब्रोकरबाट भने खरिद धेरै भएको छ।
