काठमाडौं । सिद्धार्थ इन्स्योरेन्स कम्पनीका प्रमुख कार्यकारी अधिकृत बीरेन्द्र बैदवार क्षेत्रीले वार्षिक तलब भत्ता तथा अन्य सुविधा बापत ९० लाख २८ हजार ४३७ रुपैयाँ बुझेका छन् । बैदवारले गत आर्थिक वर्ष २०७७/७८ मा तलब भत्ता बापत ५४ लाख ६९ हजार रुपैयाँ प्राप्त गरेका छन् । उनले यस भन्दा अघिल्लो वर्षमा ५२ लाख ९ हजार रुपैयाँ बुझेका थिए ।
नियम अनुसार कर्मचारी बोनस बापत बैदवारले १९ लाख ३५ हजार रुपैयाँ प्राप्त गरेका छन् । अघिल्लो वर्षमा उनले यस्तो रकम १५ लाख ७५ हजार रुपैयाँ प्राप्त गरेका थिए । यस बाहेक अन्य सुविधबाट १६ लाख २२ हजार बुझेका छन् । बैदवारको अघिल्लो आर्थिक वर्षमा वार्षिक तलब भत्ता तथा सुविधा सहित जम्मा ८२ लाख ९० हजार रुपैयाँ थियो ।
संचालकहरुलाई संचालक समितिको बैठक भत्ता बापत ११ लाख ८८ हजार तथा अन्य समितिको बैठक भत्ता बापत १३ लाख ७६ लाख भुक्तानी गरिएको कम्पनीले जनाएको छ । त्यस्तै कम्पनीका अन्य पदाधिकारीहरुलाई वार्षिक भत्ता तथा सुविधा बापत एक करोड ८ लाख ५३ हजार ७६ रुपैयाँ भुक्तानी गरिएको छ ।
