काठमाडौं । यूनाइटेड इन्स्योरेन्स कम्पनी (नेपाल) लिमिटेडले ८५ हजार ५६९ कित्ता संस्थापक शेयर विक्री गर्ने भएको छ । कम्पनीले संस्थापक शेयरधनी सनराइज बैंकको नाममा रहेको ५ हजार ८२७ कित्ता र एक्सेल डेभलपमेनट बैंकको नाममा रहेको ७९ हजार ७४२ कित्ता शेयर विक्री गर्न लागेको जनाएको छ ।
सनराइज बैंकको प्रतिकित्ता मूल्य २२५ रुपैयाँ र एक्सेल डेभलपमेन्ट बैंकको प्रतिकित्ता मूल्य रुपैयाँ २९८ तोकिएको छ । एक्सेल डेभलपमेन्ट बैंकको शेयर खरीद गर्दा न्यूनतम ५ हजार कित्ता शेयरको लागि निवेदन दिन सक्ने व्यवस्था छ ।
उक्त शेयर खरीदका लागि संस्थापकहरुलाई प्राथमिकता दिनुपर्ने भएकाले तोकिएको मितिभित्र कम्पनीको केन्द्रिय कार्यालय ट्रेड टावर थापाथली, काठमाडौंमा निवेदन पेश गर्न कम्पनीले आग्रह गरेको छ ।
उक्त समय अवधिमा शेयर खरीद गर्न निवेदन नआएमा अन्य खरीदकर्तालाई विक्री गर्ने कम्पनीले जनाएको छ ।
