काठमाडौं । बीमा कम्पनीहरुले कर्मचारी दक्षता अभिवृद्धि कार्यक्रम सञ्चालन गर्नु पर्ने भएको छ । बीमा कम्पनीले आफ्नो कर्मचारीको दक्षता अभिवृद्धिका लागि प्रत्येक वर्ष अघिल्लो आर्थिक वर्षको कुल कर्मचारी खर्चको कम्तीमा दुई प्रतिशत रकम तालिम तथा वृत्ती विकास शिर्षकमा खर्च गर्नु पर्ने भएको छ ।
यसरी बीमा कम्पनीले कर्मचारीको दक्षता अभिबृद्धि कार्यक्रम सञ्चालन गर्दा सबै कर्मचारीलाई सामान अवसर प्राप्त गर्ने गरी आवस्यक व्यवस्था मिलाउनु पर्नेछ । बीमा कम्पनीले वार्षिक करोडौ रुपैयाँ कर्मचारीका लागि खर्चिने गरेका छन् ।
यसरी खर्च हुने रकमको २ प्रतिशत रकम दक्षता अभिबृद्धिका लागि तालिम कार्यक्रम सञ्चालन गर्नु पर्नेछ । बीमा समितिको यस्तो निर्देशनले बीमा कम्पनीका कर्मचारीहरुले अवदेखि विभिन्न तालिम प्राप्त गर्ने छन् । साथै कम्पनीले दक्ष जनशक्ति पाउने सम्भावना पनि बढ्ने छ ।
