काठमाडौं । इन्स्योरेन्स इन्स्टिच्युट अफ नेपालले आयोजना गरेको बीमा अभिकर्ता सम्बन्धी आधारभूत तालिममा पर्याप्त आवेदन नपरेका कारण तालिम सारिएको छ ।
इन्स्टिच्युटले जारी गरेको सूचना अनुसार यही चैत्र १५ देखि १७ गतेसम्म संचालन हुने आधारभूत तालिममा सहभागीताको लागी दरखास्त आह्वान गरिएकोमा सीमित संख्यामा मात्र प्राप्त भएको हुँदा तालिम सारिएको हो । इन्स्टिच्यूटका अनुसार चैत्र २८ देखि ३० गतेसम्म इन्स्टिच्यूटको कार्यालय नक्साल काठमाण्डौंमा आयोजना गर्ने गरी नयाँ मिति तोकिएको छ ।
सहभागीताको लागी न्यूनत्तम शैक्षिक योग्यता एसएलसी वा एसइई निर्धारण गरिएको छ । यो आधारतभूत तालिममा सहभागी हुन ईच्छुकलाई पाँच हजार रुपैयाँ तालिम शुल्क लाग्नेछ । तालिममा सहभागीताको लागी ष्लाय२ष्ष्ल।यचन।लउ मा इमेलमार्फत् आवेदन पेश गर्न सूचना गरिएको छ ।
जीवन बीमा वा निर्जीवन बीमकले तालिम तथा बीमा अभिकर्ता इजाजत पत्र सहित अधिकत्तम पाँच हजार रुपैयाँ तालिम शुल्क लिंदै आएका छन् । इन्स्टिच्यूटको तालिम शुल्क भने बीमा कम्पनीले संचालन गर्ने तालिम शुल्कको तुलनामा पाँच गुणा महँगो छ ।
