काठमाडौं । प्रभु लाइफ इन्स्योरेन्स कम्पनीका प्रमुख कार्यकारी अधिकृत नारायण प्रसाद पौडेलले वार्षिक ४५ लाख २४ हजार ५३७ रुपैयाँ बुझेका छन् । उनले यो तलब तथा भत्ता आर्थिक वर्ष २०७६/७७ मा बुझेका हुन् ।
पौडेलले तलब भत्ता, अलाउन्सेस तथा अन्य सुविधा बापत ४४ लाख २४ हजार रुपैयाँ बुझेका छन् भने यस बाहेक कम्पनीले उनि सहित उनको स-परिवारको स्वास्थ्य बीमाका लागि एक लाख रुपैयाँ बीमा शुल्क भुक्तानी गरिदिएको छ । पौडेलले कम्पनीबाट राजिनामा दिइसकेका छन् । उनले दिएको राजिनामालाई कम्पनीले यहि मसान्तसम्म कायम रहने गरी स्वीकृत गरिसकेको छ ।
पौडेल २०७६ जेठमा नेपाल राष्ट्र बैंकबाट अवकास पाउने वित्तीकै प्रभु लाइफमा आवद्ध भएका थिए । उनलाई चार वर्षका लागि नियुक्ति दिइएको भए पनि कार्यकाल नसकिदै राजिनामा दिएर बाहिरिएका हुन् ।
कम्पनीको यस आर्थिक वर्षमा कर्मचारीहरुका लागि ७ करोड ९ लाख ५२ हजार रुपैयाँ तबलमा खर्च भएको छ भने अलाउन्से बापत २ करोड ९० लाख खर्च भएको छ । कम्पनीका सञ्चालकहरुले यस वर्षमा ४ लाख रुपैयाँ बैठक भत्ता र तीन लाख ८४ हजार रुपैयाँ अन्य भत्ता बुझेका छन् ।
