काठमाडौं । सिटिजन्स बैंकले ३० हजार कित्ता संस्थापक शेयर विक्री गर्ने भएको छ । कम्पनीले संस्थापक शेयरधनी खेम राज नेपालको नाममा रहेको उक्त शेयर विक्री गर्न लागेको एक सुचना जारी गर्दै जनाएको छ ।
शेयरको मूल्य प्रतिकित्ता १४३ रुपैयाँमा विक्री गर्न स्वीकृतिको लागि निवेदन परेको छ । उक्त शेयर खरीद गर्न इच्छुक यस कम्पनीका हाल कायम रहेका संस्थापकहरुले यो सूचना प्रकाशित गरेको आजको मितिले ३५ दिनभित्र बैंकको केन्द्रीय कार्यालय, नारायणहिटी पथमा निवेदन पेश गर्न आग्रह गरेको छ ।
उक्त समय अवधिमा शेयर खरीद गर्न निवेदन नआएमा अन्य सर्वसाधारणलाई विक्री गर्ने कम्पनीले जनाएको छ ।
