काठमाडौं । प्रभु क्यापिटलले अन्तर्राष्ट्रिय बजारमा भएका विभिन्न आर्थिक घटना तथा क्रियाकलापहरुलाई समेटेर मासिक रुपमा ग्लोबल रिर्पोट प्रकाशित गर्न थालनी गरेको छ । नेप्सेमिटर अन्तर्गत साप्ताहिक तथा मासिक प्रतिवेदन प्रकाशित गरी नेपाली पूँजी बजारमा भइरहेको कारोबार देखि विभिन्न घटनाहरुको बारेमा लगानीकर्ताहरुलाई सुसूचित गर्ने उदेश्यका साथ रिपोर्ट प्रकाशनको थालनी गरिएको प्रभु क्यापिटलले जनाएको छ ।
जसअन्तर्गत क्यापिटलले जनवरी महिनाको मासिक ग्लोबल मार्केट प्रतिवेदन मिति २०७८ माघ २७ गते पहिलो संस्करण प्रकाशित गरेको छ । प्रकाशित मासिक ग्लोबल रिपोर्टलाई लगानीकर्ता तथा पाठकहरुले प्रभु क्यापिटलको वेबसाइटमा रहेको नलेज सेन्टर (https://www.prabhucapital.com/knowledge-center) मा पढ्न सकिन्छ ।
क्यापिटलले जनवरी महिनाको मासिक ग्लोबल मार्केट प्रतिवेदन आज मिति २०७८ माघ २७ गते पहिलो संस्करण प्रकाशित गरेको छ । प्रकाशित मासिक ग्लोबल रिपोर्टलाई सोशल मेडिया प्लेटफर्महरु (भाइबर, फेसबुक, लिंकडिन, ट्वीटर) बाट सजिलै पढ्न सकिनेछ ।
मासिक ग्लोबल प्रतिवेदनमा क्यापिटलले विभिन्न आर्थिक क्षेत्रहरु जस्तैः ग्लोबल मार्केट परीसुचक, कमोडिटी बजार, बैदेशिक मुद्रा विनिमय बजार तथा क्रिप्टो बजार) लाई समेटेर रिपोर्ट प्रकाशित गर्ने छ । यो रिपोर्ट भने अंग्रेजी महिनाको पहिलो सप्ताहमा प्रकाशित गरिनेछ प्रभु क्यापिटलले जनाएको छ ।
