काठमाडौं । सूर्या लाइफ इन्स्योरेन्स कम्पनीले काभ्रेपलाञ्चोक, बनेपा न.पा. वडा नं. १३ का बीमित दिपेन्द्र परियारलाई घातक रोग वापतको ५ लाख रुपैयाँ हस्तान्तरण गरेको छ । उनलाई बीमालेख लिएको १ बर्ष नबित्दै क्यान्सर भएको थियो । सोही अनुसार कम्पनीले उक्त रकम दिएको हो ।
सूर्या लाइफ इन्स्योरेन्स कम्पनीका कर्मचारीहरुको उपस्थितिमा दिपेन्द्र परियारलाई कम्पनीका प्रमुख कार्यकारी अधिकृत पवन कुमार खड्काज्यूले चेक हस्तान्तरण गरेका हुन् ।
कम्पनीको आ.व. २०७८/७९ को पुष मसान्त सम्ममा ५७४ पोलिसीको कुल ३२ करोड २७ लाख ९६, हजार १०५ रुपैयाँ भुक्तानी भइसकेको छ ।
जनमानसमा बीमा दावी भुक्तानी सम्बन्धी नकारात्मक आवधारणालाई परिवर्तन गरी दावी भुक्तानीलाई सरल, पारदर्शी र सत प्रतिशत फछ्र्यौट गर्नेे अभियानमा सूर्या लाइफ रहेको कुरा प्रमुख कार्यकारी अधिकृतज्यूले जानकारी गराए ।
