काठमाडौं । मंगलबार नेप्से सूचक १९.२६ अंकले सुधार हुँदा सबैभन्दा धेरै विन नेपाल लघुवित्त वित्तीय संस्थाका शेयरधनीहरुले कमाएका छन् । आज विन नेपालको शेयर मूल्यमा सकारात्मक सर्किट लाग्ने क्रममा प्रति कित्ता १६१ रुपैयाँले बढेको छ ।
त्यस्तै बुद्धभुमी नेपाल हाइड्रोपावरका शेयरधनीहरुले पनि आज सर्वाधिक धेरै कमाएका छन् । दोस्रो बजारमा प्राथमिक शेयर सूचीकृत भएदेखि लगातार बढ्दै आएको यस कम्पनीको शेयर मूल्य ६१ रुपैयाँले बढेर ६७८ रुपैयाँ कायम भएको छ ।
त्यस्तै तेस्रो धैरै कमाउनेमा नेशनल हाइड्रोपावरका शेयरधनी रहेका छन् । कम्पनीको शेयर मूल्य ७.५० प्रतिशतले सुधार हुने क्रममा ४१७ रुपैयाँ कायम भएको छ । फर्वाड माइक्रोफाइनान्सका शेयरधनीहरुले आज ७.२५ प्रतिशतले कमाएका छन् । संस्थाको शेयर मूल्य १७३ रुपैयाँले बढेर २५६० रुपैयाँ कायम भएको छ ।
युनाइटेड इदि मार्दीको शेयर मूल्य पनि ५.९५ प्रतिशतले बढेर ६४५ रुपैयाँ कायम भएको छ । सहास उर्जाको शेयर मूल्य पनि ३४ रुपैयाँले बढेर ६६० रुपैयाँ कायम भएको छ । अरुण भ्याली हाइड्रोपावरको शेयर मूल्य ५.७३ प्रतिशतले सुधार भएर ५६३ रुपैयाँ कायम भएको छ । युनियन हाइड्रोपावरको शेयर मूल्य १९ रुपैयाँले बढेर ४०९ रुपैयाँ र हिमाल दोलखाको १६ रुपैयाँले बढेर ३६१ रुपैयाँ कायम भएको छ । आज अधिकाम्स जलविद्युत कम्पनीका शेयरधनीहरुले कमाएका छन् ।
