काठमाडौं । आज शेयर बजार नेप्से परिसूचक भारी अंकले बढेको छ । आज शेयर बजार नेप्से परिसूचक १०५ अंकले बढेर २,८८५ दशमलव ५३ को विन्दुमा कायम भएको छ । आज १ करोड २१ लाख ५५ हजार कित्ता शेयर किनबेच हुँदा ६ अर्ब ३२ करोड ४२ लाख रुपैयाँको शेयर कारोबार भएको छ ।
नेप्से परिसूचक भारी अंकको बृद्धि हुँदा आज सबैभन्दा धेरै अपि पावर कम्पनीको शेयर कारोबार भएको छ । कम्पनीको २६ करोड १५ लाख रुपैयाँको शेयर कारोबार भएको छ । कम्पनीको शेयर मुल्य ५४६ रुपैयाँ कायम भएको छ । नेपाल टेलिकमको २३ करोड ६२ लाख रुपैयाँको शेयर कारोबार भएको छ ।
हाइड्रोइलेक्ट्रिसिटी एण्ड इन्भेष्टमेन्ट कम्पनीको २३ करोडमाथिको शेयर कारोबार भएको छ । अरुण भ्याली हाइड्रोपावर कम्पनीको २१ करोड ९६ लाख रुपैयाँको शेयर करोबार भएको छ ।
