काठमाडौं । आज नेप्सेमा तीन लघुवित्तको बोनश शेयर सूचिकृत भएको छ । आज गुँरास लघुवित्त, साधना लघुवित्त र आशा लघुवित्त वित्तीय संस्थाको शेयर सूचिकृत भएको हो ।
गुँरास लघुवित्त वित्तीय संस्थाको १६ दशमलव ९०६४ प्रतिशत बोनश बापतको १ लाख ४१ हजार कित्ता शेयर नेप्सेमा सूचिकृत भएको छ । कम्पनीको कात्तिक २२ गते सम्पन्न वार्षिक साधारण सभाबाट पारित बोनश शेयर सुचिकृत भएको हो ।
साधना लघुवित्त वित्तीय संस्थाको २५ प्रतिशत बोनश बापतको ६ लाख ४२ हजार ४ सय ५१ कित्ता शेयर नेप्सेमा सूचिकृत भएको छ । कम्पनीको कात्तिक १३ गते सम्पन्न वार्षिक साधारण सभाबाट पारित उक्त बोनश शेयर सुचिकृत गराएको हो ।
त्यस्तै, आशा लघुवित्त वित्तीय संस्थाको २५ प्रतिशत बोनश बापतको ६ लाख ६७ हजार ८ सय २८ कित्ता शेयर नेप्सेमा सूचिकृत भएको हो । कम्पनीको कात्तिक २७ गते सम्पन्न साधारण सभाबाट पारित बोनश शेयर सुचिकृत गराएको हो ।
