काठमाडौं । नेपाल इन्स्योरेन्स कम्पनी लिमिटेडले कृषि तथा पशुपन्छी बीमा क्षति मुल्याङ्कनकर्ता सम्बन्धि ३ दिने तालिम सम्पन्न गरेको छ । कम्पनीले पौष २७ गते देखि २९ गते सम्म उक्त तालिम संचालन गरेको हो ।
बीमा समितिका प्रतिनिधि बिनोद कुमार पोखरेलको अतिथ्यमा कन्चनपुर जिल्ला स्थित महेन्द्रनगरमा तालिम सम्पन्न भएको हो । उक्त क्षति मुल्याङ्कनकर्ताको तालिम कार्यक्रममा दार्चुला, बैतडी, डडेलधुरा र कन्चनपुर जिल्लाका प्रतिनिधि एवम स्थानिय ब्यक्ति तथा निकायहरुका प्रतिनिधिहरुको सहभागिता रहेको थियो ।
कार्यक्रममा सहभागीहरुलाई तालिम कार्यक्रमका संयोजक हरिहरमानसिंह बस्नेतले प्रमाणपत्र वितरण गरेका थिए भने कार्यक्रम संचालन महेन्द्रनगर शाखाका शाखा प्रबन्धक श्री राजेन्द्र बिष्टले गरेका थिए ।
