काठमाडौं । सानिमा जनरल इन्स्योरेन्स कम्पनीले लेखापरीक्षण प्रतिवेदन अनुसार आर्थिक वर्ष २०७७/७८ मा ५ करोड ६६ लाख ३० हजार २१४ रुपैयाँ मुनाफा आर्जन गरेको छ । जवकी कम्पनीले यहि आर्थिक वर्षको अपरिष्कृत चौथो त्रैमाशिक वित्तीय विवरणमा ८ करोड ६२ लाख ३९ हजार रुपैयाँ मुनाफा देखाएको थियो ।
कम्पनीका अध्यक्षले प्रस्तुत गरेको प्रतिवेदन अनुसार कम्नपीले गत आर्थिक वर्षमा कुल बीमा शुल्क आर्जन ३७.६० प्रतिशतले बृद्धि भएको छ । कम्पनीले ५० करोड ९३ लाख रुपैयाँ कुल बीमा शुल्क आर्जन गर्न सफल भएको छ भने पुनर्बीम शुल्क भुक्तानी पछि खुद बीमा शुल्क आर्जन भने १६ करोड ५९ लाख रुपैयाँ आर्जन गरेको छ ।
यस आर्थिक वर्षको अन्त्यसम्ममा कम्पनीले २४ करोड ४० लाख रुपैयाँको दाबी भुक्तानी गर्न बाँकी छ । यस मध्ये पुनर्बीमाको दायित्व अन्तर्गत २२ करोड ९ लाख रुपैयाँ रहेको छ । लेखापरीक्षण प्रतिवेदनमा भुक्तानी हुन बाँकी दाबी बापत ६ करोड ३ लाख रुपैयाँ प्रोभिजनिङ गरिएको छ ।
