काठमाडौं । रिलायन्स लाइफ इन्स्योरेन्स कम्पनीले अर्को व्यवस्था नभएसम्मको लागि नायव प्रमुख कार्यकारी अधिकृत निराजन कँडेललाई कायम मुकायम प्रमुख कार्यकारी अधिकृतको जिम्मेवारी दिएको छ । पुस ९ गते बसेको सञ्चालक समितिको बैठकले कँडेललाई उक्त जिम्मेवारी दिने निर्णय गरेको थियो ।
निवर्तमान प्रमुख कार्यकारी अधिकृत प्रविण रमण पराजुलीको कार्यकाल हिजो सोमबारदेखि सकिएको हो । उनि गत आइतबार सम्पन्न भएको चौथो साधारणसभा सकिने वित्तीकै बाहिरिएका थिए । पहिलो कार्यकाल सकिए सँगै पराजुलीलाई कम्पनीले नदोहोर्याएको हो । प्राय नयाँ कम्पनीहरुले भइरहेकै सिइओको कार्यकाल थप गरिरहदा रिलायन्स लाइफले भने दोस्रो कार्यकालका लागि भने थप गरेन । पराजुली नेपाल लाइफको डिसिइओमा जाने टुङ्गो लागिसकेको छ ।
