काठमाडौं । आज शेयर बजार नेप्से परिसूचक ७१ दशमलव २० अंकले बढेको छ । आज दिनभरिमा २३१ वटा कम्पनीको शेयर कारोबार भएको छ । आज ५ अर्ब १७ करोड ३२ लाख रुपैयाँको शेयर कारोबार हुँदा सबैभन्दा धेरै नविल बैंकको शेयर कारोबार भएको छ । बेंकको ३२ करोडमाथिको शेयर कारोबार भएको छ ।
त्यस्तै, हिमालयन डिष्टिलरीको २६ करोड ६६ लाख रुपैयाँको शेयर कारोबार भएको छ । नेपाल लाइफ इन्स्योरेन्स कम्पनीको १९ करोडमाथिको शेयर कारोबार भएको छ । कम्पनीको शेयर मुल्य १५ सय ३३ रुपैयाँ रहेको छ । सिवम् सिमेन्टको १५ करोड ५२ लाख रुपैयाँको शेयर कराोबार भएको छ ।
