काठमाडौं । लाइफ इन्स्योरेन्स कर्पोरेशन नेपाल लिमिटेडले लाभांश प्रस्ताव गरेको छ । कम्पनीको बिहिबार बसेको संचालक समितिको बैठकले आर्थिक वर्ष ७६/७७ को मुनाफाबाट आफ्ना शेयरधनीलाई वितरण गर्ने लाभांश प्रस्ताव गरेको हो ।
कम्पनीले हाल कायम चुक्ता पुँजी २ अर्ब २१ करोडको आधारमा २० प्रतिशत बोनश शेयर र कर प्रयोजनको लागी समेत गरी १ दशलमव ०५ प्रतिशत नगद लाभांश गरि कुल २१ दशमलव ०५ प्रतिशत लाभांश प्रस्ताव गरेको हो ।
कम्पनीको पुस ८ गते बसेको संचालक समितिको ११४ औं बैठकले यस कम्पनीको आर्थिक वर्ष २०७६/७७ सम्मको संचित मुनाफाबाट हाल सम्म कायम रहेको चुक्ता पूँजी २,२१,१०,००,००० को २१ दशमव ०५२६३१५६९ प्रतिशतले हुन आउने लाभांश शेयरधनीहरुलाई प्रदान गर्न सिफारिस गर्ने निर्णय गरेको छ । उक्त लाभांशमध्ये २० प्रतिशत बोनश शेयर र १ दशमलव ०५२६३१५६९ प्रतिशत नगद लाभांश (कर प्रयोजन को लागि) हुनेछ ।
साथै वासलात मितिमा कायम रहेको चुक्ता पूँजी २,०१,००,००,००० को आधारमा प्रस्तावित लाभांश २३ दशमलव १५७८९४७२६ प्रतिशत हुने र सो मध्ये २२ प्रतिशत बोनश शेयर र १ दशमलव १५७८९४७२६ प्रतिशत नगद लाभांश हुनेछ।
उक्त निर्णय बीमा समितिको स्वीकृति र कम्पनीको आगामी १९औं वार्षिक साधारण सभाले अनुमोदन गरेपश्चात मात्र लगानीकर्ताले पाउने छन् ।
