काठमाडौं । मंसिर महिनासम्ममा बीमाको पहुँच २८.०१ प्रतिशत जनसंख्यामा पुगेको छ । बीमा समितिका अनुसार वैदेशिक रोजगार बीमालेख सहित ५ प्रतिशत घटाउदा ८५ लाख ५८ हजार वटा बीमालेख बिक्री भएको छ । जवकी गत वर्षको यहि अवधिमा यस्तो बीमालेख ६६ लाख ८६ हजार मात्रै थियो । यस्तो संख्या गत वर्षको तुलनामा २८ प्रतिशतले बृद्धि भएको हो । वैदेशिक रोजगार बीमालेख संख्या भने २२ प्रतिशतले घटेको छ ।
निर्जीवन बीमा कम्पनीहरुले ले मंसिर मसान्तसम्ममा १२ लाख ४८ हजार पोलिसी मात्रै बिक्री गरेका छन् । यस्तो संख्या गत वर्षको भन्दा ३.१५ प्रतिशतले मात्रै सुधार भएको छ । गत वर्षको मंसिरको तुलनामा जीवन बीमा कम्पनीहरुको बीमा शुल्क आर्जन १६.६८ प्रतिशतले बृद्धि भएर ५७ अर्ब ७९ करोड रुपैयाँ पुर्याउन सफल भएका छन् ।
निर्जीवन बीमा कम्पनीहरुको बीमा शुल्क आर्जन पनि २७ प्रतिशतले बृद्धि भएको छ । निर्जीवन बीमा कम्पनीले ५ महिनाको अवधिमा १५ अर्ब ४२ करोड रुपैयाँ आर्जन गरेका छन् । जीवन तथा निर्जीवनको समग्रमा हेर्ने हो भने १८ प्रतिशतले सुधार भएर ७३ अर्ब २२ करोड रुपैयाँ रहेको छ ।
बीमा कम्पनीहरुको कार्यालय संख्या ३२ प्रतिशतले बढेर ३७५४ वटा पुगेका छन् । कर्मचारीहरुको संख्या भने ५ प्रतिशतले बढेर १० हजार ९४७ जना पुगेका छन् । जीवन बीमा कम्पनीहरुको चुक्ता पूँजी १९ प्रतिशतले बढेर ३९ अर्ब ९२ करोड रुपैयाँ पुगेको छ । त्यस्तै निर्जीवन बीमा कम्पनीहरुको २० अर्ब पुगेको छ ।
Monthly Report 2078.79_Mangsir_Bb
