काठमाडौं । नेपाल स्टक एक्सचेञ्जमा ४ कम्पनीको शेयर मूल्य समायोजन भएको छ। नेप्सेले एमएमबि बैंक, नेपाल एसबिआई बैंक, छिमेक लघुवित्त र गणपति लघुवित्तको शेयर मूल्य समायोजन गरेको हो। साधारण सभा तथा लाभांश वितरण प्रयोजनार्थका लागि कम्पनीहरुले बुक क्लोज गरेसँगै नेप्सेले शेयर मूल्य समायोजन गरेको हो ।
नेप्सेले एनएमबि बैंकको १२ दशमलव ५० प्रतिशत र नेपाल एसबिआई बैंकको ३ दशमलव ५० प्रतिशत बोनश शेयर पछिको मुल्य समायोजन गरेको हो। त्यसैगरी छिमेक लघुवित्तको २७ प्रतिशत र गणपति लघुवित्तको १९ प्रतिशत बोनश शेयर पछिको मुल्य समायोजन गरेको हो। समायोजन पश्चात एनएमबि बैंकको शेयर मूल्य ३३६ रुपैयाँ ३६ पैसा, एसबिआई बैंकको ३४४ रुपैयाँ ८३ पैसा, छिमेक लघुवित्तको १ हजार २४० रुपैयाँ ८ पैसा र गणपति लघुवित्तको १ हजार १७४ रुपैयाँ ७९ पैसा कामय भएको छ।
नेप्सेले अघिल्लो कारोबार दिनको अन्तिम मूल्यका आधारमा कम्पनीहरुको शेयर मूल्य समायोजन गरेको हो। अघिल्लो कारोबार दिन अर्थात पुस ६ गते एनएमबि बैंकको शेयर प्रतिकित्ता ३७८ रुपैयाँ ४० पैसा, नेपाल एसबिआई बैंकको ३५६ रुपैयाँ ९० पैसा, छिमेक लघुवित्तको १ हजार ५७४ रुपैयाँ ९० र गणपति लघुवित्तको १ हजार ३९८ रुपैयाँमा अन्तिम कारोबार भएको थियो।
