काठमाडौं । नेपाल स्टक एक्सचेञ्जले आज लुम्बिनी विकास बैंकको बोनश शेयर पछिको मूल्य समायोजन गरेको छ । कम्पनीले लाभांश तथा साधारण सभा प्रयोजनका लागि बुक क्लोज गरेसँगै नेप्सेले आज शेयर मूल्य समायोजन गरेको हो ।
नेप्सेले १३ प्रतिशत बोनश शेयरको समायोजनपछि शेयर मूल्य ४२९ रुपैयाँ ६५ पैसा कायम गरेको छ । कम्पनीको अघिल्लो कारोबारको दिन अर्थात् आइतवार कायम अन्तिम शेयरमूल्य ४८५ रुपैयाँ ५० पैसाको आधारमा शेयर मूल्य समायोजन भएको हो ।
कम्पनीले गत आर्थिक वर्षको मुनाफाबाट शेयरधनीलाई १३ प्रतिशत बोनश शेयर र शून्य दशमलव ६८ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको छ । उक्त प्रस्ताव पारितका लागि कम्पनीले आगामी पुस ९ गते साधारण सभा बोलाएको छ ।
