काठमाडौं । नेको इन्स्योरेन्स कम्पनी आफ्नो स्थापनाको २५ वर्षमा आफै भव्य भवनमा कार्यालय स्थापना गर्न सफल भएको छ । कम्पनीले आजदेखि आफ्नो कर्पोरेट अफिस आफ्नै भवनमा सारेको छ । भवनको उद्घाटन बीमा समितिका अध्यक्ष सूर्य प्रसाद सिलवालले गरेका थिए । अनामनगरमा बैंक अफ काठमाण्डूको विल्डिङबाट कर्पोरेट कार्यालय सञ्चालन गर्दै आएको नेकोले आजदेखि आफै भवनबाट सेवा प्रवाह गरेको छ । अध्यक्ष सिलवालले उद्घाटन गरेको यस भवनको नाम ‘बीमा भवन’ राखिएको छ ।
उद्घाटन कार्यक्रममा बीमा समितिका कार्यकारी निर्देशक राजुरमण पौडेल, नेपाल पुनर्बीमा कम्पनीका प्रमुख कार्यकारी अधिकृत शंकर रायमाझी, कम्पनीका सञ्चालकहरु, कर्मचारी लगायतको उपस्थिति थियो । भवन उद्घाटन सँगै कम्पनीका प्रमुख कार्यकारी अधिकृत अशोक कुमार खड्काले भवनको अवलोकन गराएका थिए । पहिलो र दोस्रो तल्ला भाडामा दिइएको छ भने बाँकी कर्पोरेट कार्यालयका लागि प्रयोग भएको छ ।
अन्य बीमा कम्पनीहरुको आफ्नै भवन हुँदै गर्दा नेकको नहुँदा सञ्चालक तथा शेयरधनीहरुले प्रश्न गर्दै आएका थिए । लगानीकर्ता तथा सञ्चालकको अनुरोध आज आएर पुरा भएको सिइओ खण्डकाले जानकारी दिए । कम्पनीले नयाँ भवनबाट नयाँ जोश जागरका साथ बीमा व्यवसाय अझ बीमा सेवा प्रदान गर्ने लक्ष्य लिएको छ।
हेर्नुहोस् भवन उद्घाटनको दृश्यहरु
