काठमाडौं । मेट लाइफ इन्स्योरेन्स कम्पनीले चालु आर्थिक वर्ष २०७८/७९ को पहिलो त्रैमाशिक अवधीमा खुद बीमा शुल्क आर्जन ११.५४ प्रतिशतले सुधार गर्न सफल भएको छ । कम्पनीले पहिलो तीन महिनामा एक अर्ब ३० करोड रुपैयाँ बीमा शुल्क आर्जन गरेको छ । गत आर्थिक वर्षको समिक्षा अवधिमा भने एक अर्ब १६ करोड रुपैयाँ आर्जन गरेको थियो ।
त्यस्तै कम्पनीको मुनाफामा भने १०.५७ प्रतिशतले गिरावट आएको छ । कम्पनीको आम्दानीमा गिरावट सँगै मुनाफा ६ करोड ७५ लाख रुपैयाँमा सिमित भएको हो । जवकी गत वर्षको यहि अवधिमा कम्पनीले ७ करोड ५५ लाख रुपैयाँ बीमा शुल्क आर्जन गरेको थियो ।
यहि अवधिमा कम्पनीको दाबी भुक्तानी पनि १९.८३ प्रतिशतले बढेको छ । कम्पनीले तीन महिनाको अधविमा मात्रै एक अर्ब ५ करोड रुपैयाँको दाबी भुक्तानी गरेको हो । गत वर्षको यहि अवधिमा कम्पनीले ८८ करोड २० लाख रुपैयाँ भुक्तानी गरेको थियो ।
कम्पनीका अभिकर्ताहरुले जीवन बीमा पोलिसी ल्याए बापत तीन महिनाको अवधिमा १२ करोड ५१ लाख रुपैयाँ कमिशन बुझेका छन् । गत वर्षको यहि अवधिमा कम्पनीले ११ करोड ५५ लाख रुपैयाँ बुझेका थिए ।
कम्पनीको जगेडा कोषमा २ अर्ब ७४ करोड रुपैयाँ जम्मा भएको छ । त्यस्तै जीवन बीमा कोष पनि यस वर्ष ७.५७ प्रतिशतले बृद्धि भएर १९ अर्ब ७४ करोड रुपैयाँ पुगेको छ ।
