काठमाडौं । प्रुडेन्सियल क्यापिटल म्यानेजमेन्ट कम्पनीको स्वामित्वमा रहेको दुई वाणिज्य बैंक सहित तीन कम्पनीको संस्थापक शेयर आजदेखि लिलामी विक्री खुदा भएको छ ।
आजदेखि प्रभु बैंकको ५० हजार कित्ता, नेपाल ग्रामीण विकास लघुवित्तको ३५ हजार कित्ता र प्राइम कमर्सियल बैंकको ६६ हजार ६७५ कित्ता संस्थापक शेयर लिलामीमा आएको हो । उक्त शेयरमा मंसिर १० गतेसम्म आवेदन दिन सकिनेछ ।
प्रभु बैंकको शेयरको मूल्य प्रतिकित्ता २०५ रुपैयाँ, नेपाल ग्रामीण विकास लघुवित्तको प्रतिकित्ता ३५० रुपैयाँ र प्राइम कमर्सियल बैंकको प्रतिकित्ता २२५ रुपैयाँ तोकिएको छ ।
शेयर खरीद गर्न चाहने विद्यमान संस्थापक शेयरधनी तथा अन्य जो कोहि व्यक्ति तथा संस्थाहरुले तोकिएको मूल्य वा सोभन्दा बढी मूल्य अंकित गरी गोप्य शिलबन्दी बोलपत्र पेश गर्नु पर्ने हुन्छ ।
शेयर विक्री प्रबन्धकमा एनआईसी एशिया क्यापिटल लिमिटेड रहेको छ ।शेयर खरीदका लागि बोलकबोल गर्दा न्यूनतम २ हजार कित्ता र अधिकतम सम्पूर्ण कित्तासम्म माग गर्न सकिने व्यवस्था छ ।
